原來除咗港人 全球人都恨移居台灣

2016年8月31日,Yahoo香港新聞旅遊關公,引述一篇與移居台灣的相關新聞:

香港人一個二個好恨移居台灣,一來同聲同氣溝通到,二來近水樓台,即使要返嚟香港探下親友都無難度,最緊要係當地生活節奏比香港慢得多,想繁榮D可以揀台北,想Laid back 啲可以揀台南,想自己開間民宿?宜蘭或花蓮都幫到你!但估唔到,除咗香港人,全球唔少人都對台灣虎視眈眈,最近有調查對191個國家1萬4千名旅外人士進行問卷調查,台灣擊敗蟬聯兩屆冠軍的厄瓜多爾,成為旅外人士心目中最理想的移居國家第一名。

其實台灣公民,福利的確多多,單單係全民健保,睇專科唔洗好似香港咁,排足幾年、排到病發都未睇到;而台灣護照免簽證國家數目較特區護照多7個,去美國的簽證更可直接在網上辦妥;更重要的住屋問題,無論買樓定租樓都平香港一大截。根據數字顯示,今年1至3月成功移民台灣的港澳人士有267人,創過去4年同期新高。究竟要移居台灣有咩條件?以下四個方法,比大家參考下!

投資移民
係台灣投資600萬元新台幣(約150萬港元)以上,無須技術及學歷,只需有足夠資金已足夠。

創業投資
分個人申請及團體申請:籌資200萬新台幣(約50萬港元)以上的創業者;或符合設立「具創新能上的創業者」;或符合設立「具創新能力事業」的負責人、並投資100萬新台幣(約25萬港元)以上者

團聚移民
有直系血親或配偶在台灣擁有戶籍

留學移民
在台升學畢業後居台5年,每年居住超過183天

資料來源:Yahoo香港
原文連結(按此)

發表評論

閣下之電郵地址不會公開,打*號之項目必須填寫

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>