【林鄭當選】市民sad爆嘲777票不祥:有本事都想移民

2017年3月26日,蘋果日報,引述一則香港特首選舉相關的新聞:

特首選舉塵埃落定,林鄭月娥最終得票777票,成為香港首位女特首。

從事知識產權界的葉小姐表示對結果非常失望,「其實都唔需要睇,反正係中央欽點架啫」,批評林鄭只是中央的棋子,相信林鄭未來5年施政,會有更多港人站出來表達不滿,「因為睇到no hopes in the future(未來沒有希望」。她說自己支持曾俊華,「論民望就一定係佢,雖然都知佢係陪跑,但起碼反映到民心喺邊度」。

學生劉先生對林鄭當選心情覺得不太好,批評林鄭「離地」,對她有負面印象,「今次選舉點都係欽點」。他預計未來香港5年「只會中國話點就點」,如會更大力打壓政見不同者。

待業的劉小姐則支持林鄭當選,認為林鄭是務實派,故一早已預測林鄭會當選,「佢係為香港人做事」,她希望林鄭未來5年能減少社會怨氣,如教育年輕人先多盡自己責任,減少怨氣。

從事倉務業的鄧先生亦支持林鄭,「佢做到嘢」,認為林鄭政績較曾俊華和胡國興多,「政府表現好過曾俊華」,不過自己無份投票,「如果有份投可能開心啲嘅」。他又稱現時香港撕裂,林鄭未來亦不能全面修補撕裂,「全部修補就一定做唔到架啦,少少都有嘅,可能拉近到同泛民關係」。他指,中聯辦未必有為林鄭箍票,「始終好多人都唔想香港亂。」

學生劉先生指,不支持林鄭月娥當特首,批評只是中央欽點,「佢未上台,應先要落台,好打得都係假嘅」。他說林鄭有777票,感覺像粗口諧音,更是香港不祥預兆,「好似666咁不祥」。他擔心未來5年香港會變成「撕裂2.0」,「有第二次佔中都唔出奇」。

從事媒體工作的傅小姐則表示,不支持任何一名特首候選人,尤其是林鄭月娥,「呢啲小圈子選舉係冇意思」。她相信林鄭未來施政5年會有再一次佔中,對日後社會氣氛感,「林鄭推政改失敗,如果再推只會更失敗,由佢去領導香港係冇說服力」,她強調社會所謂的撕裂皆由建制派造成。對於林鄭在選舉中取得777票,她說,「最好就666(票)落地獄」,又稱小市民的訴求變得更渺小,「一人一票普選應該見唔到」,如有本事便會移民。

資料來源:蘋果日報
原文連結(按此)

發表評論

閣下之電郵地址不會公開,打*號之項目必須填寫

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>