【壹週刊】移居台灣點揾錢 「賣點心一定賺!」

2016年4月14日,蘋果日報孫樂祈,引述一篇關於移居台灣的相關新聞:

「食野平之餘有服務,三四十蚊當你上賓招待。去睇樓,嘩!二百萬有過千呎!四百萬可以買透天,即是新界村屋那種。想住環境又綠化,唔似香港隨便斬樹,係台灣要斬樹好似攞佢地命咁。」曾任教師嘅黃璟瑜,一一年受學生邀請到台灣高雄留宿住了幾天,自此就愛上台灣,仲長居於此。

講到台灣咁好,移民條件呢?六百萬台幣,大概二百萬港幣。即是在高雄買一個單位的價錢,當然那個單位要用作生意用途,例如做陶藝、收租等。想做那小生意,如珍珠奶茶、炸豬扒那類都可以,不過黃老師推介做點心,「高雄人對點心係瘋狂,嚟香港添好運排成個鐘都肯,我有朋友賺到笑。」

若是退休夫婦,黃老師指兩人只要每月有七八千元收入,例如香港有物業收租,就不用擔心當地生活,「唔會唔捨得出去食飯,見到野唔捨得買,平平凡凡而充裕的生活,七至八千就夠。」若是三、四十歲的在職人士,她指台灣工資對香港人不吸引,不如創業,租金、人工等成本不高,輸得起。

黃老師更指,台灣打工的入息不會讓香港人心動,在香港洗碗都過萬。但當地創業環境會讓香港人心動,投資移民的資金正好用來做生意。其中她推荐的是點心。她的朋友在高雄開點心店,她笑說,「佢同我講,佢每個月賺的錢,喺令佢唔會想返香港。加上做老闆自己可以話事,做自己鐘意做嘅事。」

在講座中,還談到不少政治上台灣的進步,「憑選票踢某個領導人落台?對香港人講係天方夜譚。在台灣你會感受到真民主、真普選係點。蔡英文當選,講今次係人民借權力俾我,因為係台灣會好感受到選票的力量。」她對香港的言論自由亦很憂心,怕再來可能只能談吃喝玩樂,不能暢談政治了。

資料來源:蘋果日報

發表評論

閣下之電郵地址不會公開,打*號之項目必須填寫

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>